दूधाची ओळख ही जशी ‘पूर्णान्न’म्हणून केली जाते. तशी नारळाची ओळख कल्पवृक्ष म्हणून केली जाते. त्यामुळे नारळाचा उपयोग हा वेगवेगळ्या पद्धतीने केला जातो. खोबरेल तेलाचे अनेक फायदे आहेत. जर तुम्ही त्याचा उपयोग रोजच्या आयुष्यात करत नसाल तर आजपासूनच तुम्ही नारळाचा उपयोग करायला सुरुवात करा. त्वचा, केस आणि आरोग्य असे अनेक फायदे आहेत. जाणून घेऊया नारळाचे हे फायदे
त्वचेला येईल ग्लो
नारळामध्ये असलेले ॲटिऑक्सिडंट असतात. ज्यामुळे त्वचा ही अधिक सुंदर दिसायला मदत होते. नारळाचे तेल त्वचेला लावून मसाज केल्याने त्वचा ही अधिक तुकतुकीत आणि तजेलदार दिसू लागते. त्यामुळे ज्यांना तेलाचा त्रास होत नसेल त्यांनी त्वचेला तेल लावण्यास काहीच हरकत नाही.
केसांच्या वाढीला चालना
केसांच्या वाढीला चालना देण्यासाठी नारळाचे तेल हे फायद्याचे असते.नारळाचे तेल आठवड्यातून एकदा लावल्यानंतर केसांची वाढ चांगली होते. घाण्यावर काढलेले नारळाचे तेल जर तुम्ही काढलेले असेल तर त्याचा अधिक फायदा होण्यास मदत मिळते.खोबरेल तेल टाळूंना लावल्यामुळे केसाची त्वचा मॉश्चराईज होण्यास मदत मिळते. त्यामुळे केसांमधील कोंडा कमी होण्यासही मदत मिळते.
कोलेस्ट्रॉल राहते नियंत्रणात
जेवणातही नारळाच्या तेलाचा उपयोग केला तर त्याचे फायदे मिळण्यास मदत होते. नारळाचे तेल हे जेवणाचा स्वाद तर वाढवते. शिवाय त्यामुळे कोलेस्ट्रॉल नियंत्रणात राहण्यास मदत मिळते. नारळाच्या तेलाचा वापर हा इतर तेलांप्रमाणेच बेताने करायला हवा.
नारळाच्या तेलाचा उपयोग करुन तुम्हीही काही बदल नक्कीच नोंदवू शकता.