जेव्हा आपण कडुलिंबाचा विचार करतो तेव्हा फक्त कडू चव आपल्या लक्षात येते. आपण सर्वांनी आपले दात स्वच्छ करण्यासाठी कधी ना कधी कडुलिंबाची टूथपेस्ट वापरली असेलच. हे तुमच्या तोंडाच्या आरोग्यासाठी तसेच त्वचेची निगा आणि केसांची निगा राखण्यासाठी खूप फायदेशीर ठरू शकते. 

चला तर मग जाणून घेऊया तुम्ही तुमच्या त्वचेची निगा आणि केसांची काळजी घेण्यासाठी कडुलिंबाचा कसा वापर करू शकता. (फोटो सौजन्य – iStock) 

कडुलिंब प्रभावी औषधी वनस्पती 

कडुलिंब ही आयुर्वेदिक औषधी वनस्पतींपैकी एक आहे. जंतुनाशक आणि दाहक-विरोधी पासून ते बॅक्टेरियाच्या वाढीस प्रतिबंध करणारा पदार्थ आणि वृद्धत्व विरोधी, हे त्याच्या अनेक गुणधर्मांसाठी ओळखले जाते. कडुनिंब तुमच्या त्वचेतील तेल उत्पादन संतुलित करून मुरुमांपासून बचाव करू शकते. याशिवाय, हे हायपरपिगमेंटेशनसाठी देखील एक प्रभावी उपचार आहे.

हे जखमा आणि सूर्यामुळे त्वचेला होणारे नुकसान बरे करण्यास देखील मदत करते. विटामिन सी समृद्ध असल्याने, ते त्वचेमध्ये कोलेजन तयार करण्यास उत्तेजित करते म्हणून बारीक रेषा आणि सुरकुत्या देखील प्रतिबंधित करते. पण असे नाही की कडुलिंब फक्त तेलकट त्वचेसाठीच फायदेशीर आहे. त्याच्या पानांपासून मिळणाऱ्या तेलामध्ये आवश्यक फॅटी ॲसिड असते, जे मॉइश्चरायझर म्हणून काम करते.

(वाचा – Walnut For Hair | अक्रोडची सालं ठरतात अनेक केसांच्या समस्येवर गुणकारी, कसा करावा वापर)

केसांसाठी कसा वापराल कडुलिंब 

कोंड्यासाठी कडुलिंबाची पेस्ट 

• कडुलिंबाची पाने बारीक करून गुळगुळीत पेस्ट बनवा. आवश्यक असल्यास आपण थोडे पाणी घालू शकता
• ही पेस्ट तुमच्या टाळूवर आणि केसांना लावा
• हा मास्क काही काळ केसांवर ठेवा
• काही काळ केसांमध्ये ठेवल्यानंतर केस धुवावे 

(वाचा – केसांसाठी सुपर ठरते मेहंदी, वापरताना ५ चुका टाळा)

कडुलिंब आणि नारळाच्या तेलाचे मास्क 

• खोबरेल तेल गरम करून त्यात कडुलिंबाची पाने टाका. चांगली उकळी आल्यावर गॅसवरून उतरवा
• तेल थंड झाल्यावर त्यात एरंडेल आणि लिंबाचा रस मिक्स करा
• हे मिश्रण एका बाटलीत ठेवा आणि आठवड्यातून किमान दोनदा लावा
• केस धुण्यापूर्वी 1 तास आधी हा मास्क लावा

(वाचा – Hair Care | केस होतील अधिक चमकदार आणि मजबूत, DIY कडिपत्ता आणि बीटचे हेअर मास्क)

दही – कडुलिंबाचा हेअर मास्क 

• एक कप दह्यात 3-4 चमचे कडुलिंबाच्या पानांची पावडर किंवा कडुलिंबाची पाने घाला
• केसांना अतिरिक्त ओलावा देण्यासाठी 1 चमचे मध घाला
• बारीक पेस्ट होईपर्यंत मिक्स करा किंवा मिसळा
• ते एका तासापेक्षा जास्त काळ ठेवा आणि मग शँपून केस धुवा 

त्वचेसाठी कसा वापरावा कडुलिंब

कडुलिंबाच्या पानाने वाफ घेणे 

• पाण्याचा रंग हिरवा होईपर्यंत मूठभर कडुलिंबाची पाने पाण्यात उकळा
• एका मोठ्या भांड्यात गरम पाणी आणि कडुलिंबाची पाने घ्या
• आपले डोके टॉवेलने झाकून वाडग्यावर झुकून वाफ आपल्या चेहऱ्यावर आणा
• 15 ते 20 मिनिटे चेहऱ्यावर वाफ राहू द्या
• हे नियमितपणे करा जेणेकरून तुमची त्वचा चांगली राहील

कडुलिंब आणि मुलतानी मातीचा फेसपॅक 

• काही कडुलिंबाची पाने घ्या आणि त्यात एक चमचा मध, अर्धा कप मुलतानी माती घ्या
• पाने बारीक करून पेस्ट बनवा, त्यात मध आणि मुलतानी माती घाला आणि पेस्ट चांगली मिक्स करा
• ते चेहऱ्यावर चांगले लावा आणि कोरडे होईपर्यंत राहू द्या
• ते काढण्यासाठी आपल्या हातांनी हलक्या हाताने चोळा