सध्या घटस्फोटाचे प्रमाण वाढलेले दिसून येत आहे. अनेक कॉमन कारणांपैकी ५ महत्त्वाची कारणे आहेत ज्यामुळे घटस्फोट वाढलेला जाणवतोय. लग्नाचे बंधन हे पवित्र बंधन आहे यामध्ये कोणतेच दुमत नाही. पण आजकाल हे अनेक जोड्या चुकीचे ठरवाताना दिसून येत आहे. अनेक जोडप्यांचे लग्नाच्या ६ महिन्यातच डिवोर्स झाल्याचेही ऐकू येत आहे.
आजकाल लग्नाचे बंधन फारच लवकर तुटल्याचे दिसून येत आहे. यामागे अनेक लहानसहान कारणं असली तरीही ती सुरूवातील गंभीरपणाने न पाहिल्यास त्याचा मोठा परिणाम होतो आणि नात्यात कडवटपणा निर्माण होतो. त्यामुळे नातं सुधारणे शक्य होत नाही आणि परिणामस्वरूपी घटस्फोट घेतला जातो. यापैकी काही कारणे आम्ही या लेखातून तुम्हाला सांगत आहोत, समुदेशक अजित भिडे यांनी काही सामान्य कारणे सांगितली आहेत. (फोटो सौजन्य – iStock)
कम्युनिकेशन गॅप
पती-पत्नीमध्ये योग्य संवादाचा अभाव हे जगभरात घटस्फोटाचे एक प्रमुख कारण आहे. कारण विचारांची देवाणघेवाण न होणे, एकमेकांच्या भावना समजून न घेणे, मनमोकळेपणाने विचार व्यक्त न करणे या सर्व गोष्टींमुळे पती-पत्नीमधील अंतर वाढते आणि परिणामस्वरूपी पती पत्नींचा घटस्फोट होतो.
(वाचा – गर्भधारणेसाठी प्रयत्न करताना जोडीदाराला आधाराची गरज)
आदराची कमतरता
वैवाहिक जीवनात पती-पत्नीमध्ये आदर असणे खूप गरजेचे आहे. नात्यात तिरस्कार किंवा अपमानाच्या गोष्टी आल्या तर प्रेम कमी होते आणि कधी कधी घटस्फोटापर्यंतही येते. त्यामुळे दोघांनीही एकमेकांचा आदर करायला हवा अन्यथा कधी दुरावा येतो हे कळणारही नाही.
आर्थिक असुरक्षितता
आजच्या काळात आर्थिक चणचण हेदेखील घटस्फोटाचे प्रमुख कारण ठऱत आहे. पैशांवरून पती-पत्नीमध्ये सतत भांडणे, खर्च पूर्ण न होण्याची समस्या, आर्थिक उद्दिष्टे साध्य न होणे – या सर्व गोष्टींमुळे दोन व्यक्तींमधील तणाव इतका वाढतो की नातेसंबंध वाचवणे कठीण होते.
(वाचा – Valentines Week Special | ब्रेकअप झाले म्हणून चुकूनही करु नका या गोष्टी)
फसवणूक
विश्वास हा कोणत्याही नात्याचा पाया असतो. अशा परिस्थितीत जर एखाद्या व्यक्तीने आपल्या जोडीदाराची फसवणूक केली तर लग्नासारखे नाते तुटण्यास वेळ लागत नाही. तुटलेला विश्वास दुरुस्त करणे सोपे नसल्यामुळे बहुतेक जोडपी घटस्फोटाने विभक्त होतात.
कुटुंबातील अनावश्यक ढवळाढवळ
अनेक वेळा सासरचे किंवा सासरचे लोक पती-पत्नीमध्ये विनाकारण ढवळाढवळ करू लागतात, त्यामुळे पती-पत्नीमध्ये गैरसमज निर्माण होतात आणि भांडणे वाढतात. अनेक वेळा कुटुंबाच्या या एका चुकीमुळे पती-पत्नीमधील अंतर इतके वाढते की घटस्फोटाशिवाय दुसरा पर्याय उरत नाही.