मुंबई हे देशातील सांस्कृतिक केंद्र असून कला महोत्सव, कला दालने, वस्तुसंग्रहालये हे या शहरातील जीवनशैलीचा अविभाज्य घटक आहेत. मुंबईत कला महोत्सव कोरोना पूर्व काळापासून लोकप्रिय असून या माध्यमातून उदयोन्मुख कालाकारांना प्रसिद्धी मिळते आणि त्यांना या क्षेत्रातील प्रस्थापितांसोबत एकाच व्यासपीठावर आपली कला सादर करण्याची संधी मिळते. या प्रदर्शनामध्ये प्रस्थापित कलाकारांपासून ते उदयोन्मुख कलाकारांपर्यंत, वय किंवा पात्रतेचे कोणतेही बंधन न ठेवता आणि लडाख ते कन्याकुमारीपर्यंतच्या कलाकारांच्याकलाकृती या प्रदर्शनात पाहायला मिळणार आहेत. या वर्षीच्या रंगोत्सवात 300 कलाकार एकत्र येणार आहेत आणि देशभरातील वैविध्यपूर्ण चित्रांचे प्रदर्शन भरविण्यात येणार आहे. निसर्गचित्रे, व्यक्तीचित्रे, अबस्ट्रॅक्ट, वास्तवदर्शी चित्रे, शहरचित्रे, धार्मिक चित्रांपासून ते वैयक्तिक अनुभूतींपर्यंत विविध शैली व विषयांवरील चित्रे त्यांच्यात सखोल दडलेल्या अर्थासह येथे पाहता येणार आहेत. नेहरू सेंटरमध्ये 03 ते 05 मे 2024 दरम्यान हे प्रदर्शन भरविण्यात आले आहे.
फ्युजन शो
“मुंबई आर्ट फेअर” तीन मंत्रमुग्ध संध्याकाळ घेऊन येत आहेत जिथे कला आणि संगीताचा “फ्यूजन शो“ सुसंवादी सिम्फनीमध्ये एकत्र होणार. पहिल्या दिवशी, कलाकार प्रकाश बाळ जोशी यांचे मंत्रमुग्ध करणारे कॅनव्हासवर रंगीत कथा विणतील, तर बासरीवादक गिरीश कुलकर्णी यांचे लौकिक सुर शाश्वत आनंदाचे वातावरण निर्माण करतील. दुसऱ्या दिवशी अजिंक्य मोरे यांच्या जलतरंगच्या नाजूक ध्वनिवर प्रा. सुरेंद्र जगताप रंगमंच आपली चित्रकला दर्शवतील. हा मेगा शो जमिनअली खान यांच्या हृदयस्पर्शी सितार सादरीकरणासह संगीताच्या सूचनेवर संपेल ज्यावर कलाकार गौतम दास थेट चित्र काढतील. सर्व कार्यक्रमांना तुषार पवार यांच्या तबल्याच्या तालबद्ध तालाची साथ लाभणार आहे.
निसर्गाचा अभ्यास
या वर्षीच्या मुंबई आर्ट फेअरमध्ये वैविध्यपूर्ण कला, विविध प्रकारची माध्यमे, शैली आणि विषय समाविष्ट असून चोखंदळ कलासंग्राहकांना या कलाकृती निश्चित पसंत पडतील. मुंबई आर्ट फेअरचे संचालक राजेंद्र पाटील म्हणतात, “मुंबई आर्ट फेअरमध्ये अप्रतिम चित्रे आणि शिल्पांसोबत इतर ही अनेक कलाकृती पाहायला मिळतील आणि या महोत्सवामध्ये असलेली कलाकारांची उपस्थिती चोखंदळ प्रेक्षक, खरेदीदार आणि संग्राहकांच्या दृष्टीने महत्त्वाची ठरणार आहे. अमूर्त कला शैलीचा उगम मुळातच निसर्ग चित्रांमध्ये दळलेला असून या ठिकाणी आपल्या काही अप्रतिम अमूत शैलीतील चित्रे पाहता येतील जी निरखून पाहिल्यास मूर्तस्वरूपातीलच निसर्ग चित्रांचा आभास करणारी अशी आहेत ”
विविध कलाकारांची शैली
वास्तवाऐवजी भावना, संवेदना, कल्पना आणि विषयभावांवर भर देत विविध कलाकार आणि शैली एकत्रित आणणे हे मुंबई आर्ट फेअरच्या पाचव्या पर्वाचे उद्दिष्ट आहे. या कला प्रदर्शनात कलाकार अॅबस्ट्रॅक्ट कला, निसर्गचित्रे, वास्तवदर्शी चित्रे, बौद्ध धर्म इत्यादी विविध विषयांवरील कलाकृती सादर करणार आहेत. नेहा झुंझूनवाला , प्रकाश बाळ जोशी, मोनालीसा पारेख, देव मेहता, रश्मि पोटे, ओम थाडकर, गौतम पाटोळे, प्रभू जोशी, बिना सुराणा, प्रतीक कुशवाह, अश्विन कुमार, दिव्या कोटक, यांच्यासारखे कलाकार मुंबई आर्ट फेअरमध्ये सहभाग होणार आहेत. चित्रांसोबतच रोहण सोनवणे, सौमेन कार, आदि शिल्पकारांच्या शिल्पकृती तर शंकर केंदाले या सारख्या वरिष्ठ चित्रकारांनी घडविलेल्या कलाकृतीसुद्धा प्रदर्शनात पाहायला मिळणार आहेत.
काय: मुंबई आर्ट फेअर पाचवी आवृत्ती
कुठे: नेहरू सेंटर, वरळी
कधी: 03 ते 05 मे 2024
प्रवेश रु. 299. मुंबई आर्ट फेअर पास बुकमायशो www.bookmyshow.com वर उपलब्ध आहेत.